شعر وأدب واندية ادبيه
2022/10/21 | 0 | 3489
رَاح الأُبُو
رَاح الأُبُــــــو الــمِـرْتِـكـي لـلـثّـجِـيـله
وِ حْنا غَشَامى ما نعَرْف و مسَاكينْ
نــقُـول خَـــرّف مــا يـعَـرْف الـجـزِيله
و اثْــرَه حَـكَـيم و عَــارفٍ بَـالـمُوَازِينْ
وَ الحِين طَاح الحِمِل مَنْ هُو يشِيله
حَـسّـيت ثِـقْـلَه يــوم جَـاو الـمعَزِّينْ
أَثْـــر الأُبُــو خَـيـمَه كـبِـيره و ظـلِـيله
يَـامـا نَـعَـمْنَا بـظـلّها أمْـس و الـحِينْ
و يَـــــا الله قــدِّرْنــا نــــرد لـجـمِـيـله
و نَـتْـبَع درُوبَــه ذاك درب الـموامِينْ
و يـــا الله قــدّرْنـا بـفـعْـل الـفـضِـيله
نَـدعُـو لابُـونَـا يـصِـير سِـجْلَه بـعلِّين
و يـا الله تَـجْعَل مسْكنه فِي خَميله
بِـجْـوَار أصـحَـاب إلـكِسَا و الـموَالينْ
و يــا الله يـوم الـخلّ يَـنْسَى خَـلِيله
خَـفِّفْ مـن حسَابه تَرَى جَاب تأمِينْ
حُـــبّــه لآل الــبَــيْـت هــــذا دلِِــيـلـه
يَـجْعَله فـي الـنَّاجِين ويّا الشَّهِيدينْ
وصَــلاة ربّــي عِــدّ مَـا سَـال سَـيله
تـغشَى رسُـولَ الله و آلـه الميامِينْ
