شعر وأدب واندية ادبيه
2020/02/28 | 0 | 5059
درب الزلق
دَربٍ مـشُوه إِلـلّي تسَمَّوا صَعَالِيكْ
دَرْب الـزّلَـق ويّـا الـوَحَل و الـوَعَاره
سْـباعٍ تِـشِقّ الدّرْب وَعْر و مطَانِيجْ
و خَـلّـتْ سَـهَـلْهَا لِـلـنَّعَمْ و الـحْبَاره
نــاسٍ تِـمَـجّ الـبَربسَه و الـشّرَابِيكْ
وُ لَا قِـدْ مِشَت دَرْب العَوَج و العَيَاره
قــومٍ تَـعَلّوا فـوق رُوس الـمَرَاجِيبْ
يَـبْـغُون نِـصْـرَة مَــن احْـتَـار بْـقَرَاره
سَـمّـتْهُمْ الـعَـالَم غَـلَط بَـالصّعَالِيكْ
وَ لّا فَـهُـمْ أَهْـلَ الـظُّفَر و الـجِسَاره
مَـسْـكِين عَـالَمْنَا يِـعِيبَ الـصّعَاليكْ
وِ يـحِبّ خَـشْمَ أهْلَ الخَنَا و الدّعَاره
مَـسْكين عَـالمنا خَـسَر هَالصّعَالِيكْ
و الــكِـلْ حَـارَبْـهُـم نَـهَـار و جَـهَـاره
و يَالَيت شَايِف لِي أَحَدْ هَالصعَاليكْ
لَا أتْـرِسْ خْـرُوجِي مِنْه رِبْح و تِجَاره
و يَا لَيت شِفْناهم شَنَفْرَى و سِلّيكْ
و الـلّـي تَـأَبّـط يَــوم تَـجْدَح أفْـكَاره
و يَـا لَـيت صِرنَا بَسْ نص الصّعَاليكْ
فِـي فَـهْم ذَا الـعَالَم و كَـثْرَة أَخْبَاره
وُ وُدِّي أَعَرْفْ، شْلُون ذُولَا صَعَالِيكْ؟
بَــسّ إِنّـهُم مَـا طَـاوَعَوا، يَـا خَـسَار
