شعر وأدب واندية ادبيه
2013/11/04 | 0 | 4163
مشية عطش
القصيدة الفائزة في مسابقة النبأالعظيم المركز الإول للشعبي للشاعر عقيل العبد
الكريم : ( مشية عطش )
طلگ سهـمه الفـلـك و بصفـحــة الكـون
ثبت سهـمه شمس ضـوّى الجزيـره
و زحـف رمـل الـولايـه بلايــا رجلــــــين
على گلب الـعـطش سَـوّى مســيره
و مشى حتى العطش و امكابـد الصـيف
تِـروّى لـو روى ..؟! بس هاي حــــيره
و لــن آيـه يخطـها بجنـحه جبريـــــــــل
حبرها مـن الله جابـوه إلــوزيـــــــــره
{ بَـلّـــغْ } بـس تـلوگ اليـوم تنگــــــــال
مـحـمـد نـصر دين الله بنـصــــــــيره
فـديـتـه مــن وگــف رافـع إليــمـنـــــاه
نـشـر أزكى محاسن مـن عــبــــيره
الـزمـن وگّـف يـبايـع و انحسب عــيــــد
و ابـقلـب الأرض يـنـبـض غــــــــديره
شياطين الــشعــر بالخـاطـــر اتصـيــــد
و دُوَت بين الـلفظ فكره خطـــــــــيره
واحد گــال والــي لابـــد ايـكــــــــــــون
من اگـمـاش الهـند يـلـبـس حـــريره
و واحد گــال آنـه لهــالمــهـــمـــــــــات
عـرش بـلـقـيس ابدلــنّــه بحـــصيره
و واحد گــال ذَنـّي حـيـل سهـــــــــلات
لانــزّل مــــائدة جـــداً چـــبــــــــيره
و اعـلـــگ زينــه تـضوي بجبهـة الكـــون
و اذوْب انجـوم بـالحلـقـه الأخـــــــيره
گـلت حـاشـاه مــن حــدّ الشـيـاطـــين
اشلـون اللـيل ايـسولف بالـظهـيره ؟!
علي اللــــي ألله أول مــن تـلـگـّـــــــاه
و ضـيـف الحـرم هـوّ الـيستـجــــــيره
ثـلـثـة أيـّام واجــب تكـرم الضــيــــــــف
مـن ذاك الـوكـت صـارت شَـعـــــــيره
علي روح الـتـقـى و دوحــة الاحســـان
يـغـذيـه الـنــبـي و علمــه نَمــــــيره
علي الـذاتـه بـَـهَــاء إبـگـد لآيــــــــــات
و الـقـرآن مَحــني يـسـتــــخـــــــيره
علي الشّمعه التضـوّي درب لاســــلام
و يرسم ظلهــا بسمه لكل عســـيره
علي العطفه ثقافـه و دمـعته اســــرار
اليـتامى و فاطـمه بـيـها خـبــــــــيره
علي الچفّـيـنـه بيها گَـطْـــع لارگـــــاب
نفِـسهـا التـعجن و تخبز شِــعــــــيره
عجيبه تگـول عـنّـه الـنـاس إنـســــــان
أحـس اگـباله هالـچلمه فـقــــــــــيره
علي المآخذنـي منّي و آني مـا حــاس
علي { بَرْداً } عَـلَـيْ حـتى سَـعـــيره
أنـا المديـون إلـه گـد طَـلـعـة الـــــــروح
علي امن الغِـيره نفسه خِلَـگ غِـــيره
انادي اگليـبي رِد لي گـلّـي مــاريــــــد
أنـا لـلـمرتــضـى مـو مُلـك غَـــــــــيره
علي بـوكت الحـريـبه يـوگـف ابـعـيـــــد
و يـنزل سيفه وحـده ايطـش عشــيره
حَـد الـسيـف قــمّــة جـبـل إيــــمــــان
و چدّامــــه الزلم حَدبـه و گـصـــــــيره
حنون الـسيـف لكـن تــدري اشــلــــون
يـخلي الگـابـَلـه هـــوّ و ضــمــــــــيره
إذا رِدنـا شخــص يــشبــه المــخـتــــار
تـرى بـس حـيدره عِدلـــه و نـظـــــيره
و لكـن حـيـدره لـو رِدنــا نـحـــــويــــــه
علـى اشخـوص اربعـه انوزّع مـســـيره
الصـلـح عند الحسن و الفزعه لحسـين
و عـباس الوفــا و زيــنـب أمـــــــــــيره
قـلعـه بـالـنــجـف حـضــرة الـــكــــــرار
مـجـد و اصــرار و اعـلام و بــصـــــــيره
أحـن إلـهـا حنــين الفـاگــده اعـــــــزاز
تـِبــات ابـشـوگهــا روحي أســـــــــيره
على الشبـّاچ گلــبي شَـد الـــعـــروگ
يـتـيـم و جـالـك ايـهـدهد زفـــــــــــيره
رفيـچ أويـا العطـش من يوم عـاشـــــور
و تـدري بـعـاشر و قـســوة هـجـــــيره
مِــد چـفــــك يَــحيدر و امسح اعـلـيــه
لجل يـضمن إلى الـتالي مــصــــــــيره
